الإخوان بيت شفاف ولكنه ليس من زجاج

من طرف **Eng_metwaly** 2007-08-20, 4:09 am

الإخوان بيت شفاف ولكنه ليس من زجاج

عزيزي .. عزيزتي ..الإخوان .. الإخوان ... الإخوان!!!
كلام كتيير بيتقال اليومين دول عن الإخوان ..إما في جرنال أو مجلة أو نشرة أو حتى في الشارع كله بيقول رأيه
ناس تقول دول ناس كويسة.. وناس تقول دول هيخربوا البلد ناس تقول دول بتوع ربنا وناس تقول دول يتمسكنوا لحد ما يتمكنوا .. ناس بتقول .. وناس بتقول .. ولأن الرد من حق الجميع تعالوا بقى يا جماعة نسمع رأي الإخوان عن نفسهم وعن اللي بيتقال عنهم وتعالوا نبدأ من أول السطر

يعنى إيه إخوان مسلمين؟

زي ما أي طفل بيتولد .. لازم يكون له اسم .. لازم أي هيئة أو جماعة تسمي نفسها بأسم يعرفها بيه الناس .. وكمان لازم يكون الاسم معبر عن فكرها وأهدفها .. صح؟؟
وزي ما الأستاذ البنا قال في بداية نشأة الجماعة إننا إخوة في الله تجمعنا الدعوة إلى الله وإعادة مجد الإسلام والمسلمين .. فنحن (الإخوان المسلمين ) وده مش معناه أن احنا بس اللي مسلمين احنا جزء من جماعة المسلمين وعمرنا مسمعنا حد عاب على الحزب الوطني الديمقراطي مثلا اسمه وقال يعني همّا بس اللي وطنيين واحنا لأ.. أو همّا بس الديمقراطيين واحنا لأ ولكن ده مجرد اسم لتمييز الفكرة.

احنا والسياسة

ناس كتيير بتسأل .. همّا الإخوان حركة دينية؟؟ .. ولا حركة سياسية؟؟ ولا إيه بالظبط؟؟ ولو همّا حركة دينية ليه بيشتغلوا بالسياسة؟؟ ولو همّا حركة سياسية ليه بيدعوا إلى الله عز وجل؟؟ .. حاجة تلخبط .. مش كده ؟؟
يا جماعة مفيش لخبطة ولا حاجة .. الإخوان .. هي حركة إسلامية تدعوا إلى الإسلام الذي جاء به سيدنا محمد ( صلى الله عليه وسلم ) ..
الإسلام الشامل الذي يتضمن شتى نواحي الحياة الإسلام التعبدي ( واللي بيسميه الناس الدين .. يعنى الصلاة والصوم والزكاة .. الخ ) والإسلام الأخلاقي .. الذي ينشر مكارم الأخلاق بين الناس .. والإسلام الإجتماعي الذي ينظم أسس التعامل بين الناس في المجتمع والإسلام الإقتصادي الذي يراعي الفقراء ويحرم الربا ويحارب الاحتكار والفساد .. والإسلام السياسي .. الذي يطبق شرع الله والعدل والحرية ..
هذا هو الإسلام الذي نعرفه .. والذي جاء به رسول الله ( صلى الله عليه وسلم ) وهو الذي نراه قادراً على حل مشاكلنا والنهضة بأمتنا ..
والسياسة جزء منه .. لا نستطيع أن نفصلها عنه .. وأيضا لا نستطيع أن نجعلها غاية وهدف إنما هي وسيلة كغيرها من وسائل تطبيق الإسلام وإقامة العدل بين الناس .. نشارك فيها بنفس القدر الذي نتحرك فيه في مجتمعنا لنشر دين الله وتعريف الناس بالإسلام وأحكامه..لا يطغى جانب على جانب.

طب يعنى إيه أنتم مش عاوزين الحكم؟

نحن نريد أن نحكم بالإسلام .. حتى لو كان غيرنا من يحكمونا به .. هذا ما أعلنه الإخوان المسلمون مرارا وتكرارا .. حتى قال أحدهم لأحد قيادات الدولة ذات يوم .. ( احكمونا بالإسلام واحنا نكنس لكم الشوارع )
يعنى الحكم في حد ذاته ليس هدف .. وانما هو وسيلة .. مجرد وسيلة .. لا نريد منه نفعا دنيويا ولا مصلحة شخصية .. والتاريخ اثبت للإخوان مواقف كثيرة رفضوا فيها الحكم عندما تعارض مع مبادئهم أو مصلحة أمتهم وهذه الأمثلة توضح ذلك :-

ففي حكومة النحاس باشا رشح الأستاذ حسن البنا نفسه في انتخابات مجلس النواب عن مدينة الإسماعيلية .. واللي كان الناس بتحبوا فيها حب شديد وكان نجاحه فيها مضمون مليون المية .. لكن الإنجليز كانوا ضد ذلك واستدعوا النحاس باشا ..وأخبروه بضرورة أن يضغط على البنا لكي يسحب ترشيحه وبالفعل وافق الأمام البنا على سحب ترشيحه على شرط واحد .. عارفين أيه هو .. أن تقوم حكومة النحاس باشا بإغلاق بيوت الدعارة وسحب ترخيصها .. وبالفعل .. كان هذا ما حدث ومن وقتها منعت الدعارة في مصر ... يبقى معقول يا جماعة اللي يعمل حاجة زي كده .. يبقى عايز سلطه .. كمان.. بعد قيام الثورة طلب قيادات الثورة من الإخوان المشاركة في حكومة الثورة بثلاث وزرات .. في محاولة من الثورة لاستيعاب الإخوان .. لكن الإخوان طالبوا أن تطبق هذه الحكومة المنهج الإسلامي فلما رفضوا ذلك .. رفض الإخوان بدورهم المشاركة ... يبقى معقول دول عايزين الحكم وبس ..
موقف أخر في عهد السادات ... عندما عرض السادات على الأستاذ عمر التلمسانى ( المرشد العام للجماعة وقتها) أن يشكل الإخوان حزبا سياسيا على أن تحل الجماعة وتوقف بقية نشاطتها . لكن الإخوان رفضوا لانهم رأوا أن الجماعة اكبر هدفا ومنهج من مجرد حزب سياسي .. وأن دعوة الله لايمكن أن تكون ثمن لتشكيل حزب وانهم لن يتركوا أبدا طريق دعوتهم من اجل أي مكسب سياسي أيا ما كان ..
شفتم بقة يا جماعة أن المسألة مسألة فكر ومنهج ناس عايزة تطبقه مش قضية حكم وبس .

طيب انتم بتجيبوا الفلوس منين .. سؤال بيسأله كثير ؟؟

وبالفعل .. عندهم حق .. مجلات ونشرات بتتوزع في المساجد والأحياء والمدارس والجامعات .. لوحات ويفط .. منين بتيجى فلوس كل الحاجات دي ..والإجابة بسيطة جدا .. وهى لو فرضنا أن الإخوان في مصر عددهم حوالي مليون شخص .. وان لو كل شخص فيهم دفع جنيه واحد كل شهر .. هيبقى مع الإخوان مليون جنيه كل شهر .. وده نابع من إيمان كل فرد فيهم بفكرته وحبه لدينة وأمته .. وكمان مبادئ الإخوان الإسلامية تمنعهم من تلقى أي دعم من أي جهة ولم يستطيع أعدائهم اتهامهم بذلك أو اتخاذ ذلك تهمة للطعن فيهم ..

بس انتم جماعة محظورة وغير شرعية

صحيح هما بيقولوا كده .. لكن تعالوا نسأل نفسنا الأول .. هي الشرعية تستمد منين .. هل بتستمد من النصوص والقوانين اللي بيضعها أي نظام لمصلحة شخصية .. ولا بتستمد من الالتزام وحب الناس والتواجد في الشارع والالتزام بالقيم وثوابت الآمة ..لو الشرعية بتستمد من كده .. يبقى إحنا شرعيين حتى ولو رفض أي نظام ذلك

بس مش ممكن لو وصلتم للحكم تحرموا كل شئ ؟؟

الإخوان جماعة تتبنى المنهج الوسطي المستنير دون زيادة أو تطرف وتجاربنا سواء في النقابات أو مجلس الشعب أو اتحادات الطلاب تثبت أننا لما بنكون في وضع المسئولية بنهتم بمشاكل الناس وهمومهم من غير ما إحنا نعمل نفسينا عليهم جلادين ومن خلال تعامل الناس معانا في المواضيع دي حبتنا .. وحبت الالتزام بالإسلام .. وعرفت أن الإسلام دين جميل وانه مش تحريم للحياة وطبيباتها زي ما عايزين يفهموهم

طب انتم بقالكم 77 سنة عملتوا إيه يعنى ...؟

ده يا جماعة سؤال بيتقال كثير .ز وده سؤال صعب ، مش صعب عشان ملوش إجابة ..
لكن صعب عشان إجابته محتاجة مساحة ووقت كبير عشان نوفيه حقه .. يا جماعة دا إحنا هنحكي عن عمل سبعة وسبعين سنه هي عمر الجماعة عن الملايين من الشباب اللي ربنا هداهم وعرفوا طريق الالتزام عن الملايين من الفتيات والنساء اللي كانوا لبسهم للقصير والضيق شئ عادي جدا ومش عيب ثم عرفوا الحجاب وارتدوه .... كل ده كان بسبب الدور الإرشادي للإخوان
والجامعة اللي مكتش فيها ولا بنت محجبة واصبح سبعين في الميه من بناتها محجبات وبرضه الجامعة اللي ما كنش فيها ولا مسجد وأصبح في كل كليه مسجد ... عن الجهاد في فلسطين سواء في 48 أو الآن متمثلة في تنظيم الأخوان في فلسطين (حماس ).. عن لجنة الإغاثة اللي وقفت جنب المسلمين في كل مكان سواء في مصر أو خارجها ... عن البوسنة والهرسك وكوسوفا والبلقان والشيشان والعراق .. لدرجة أن رئيس البوسنة قال لولا تبرعات الإخوان في مصر لضاعت البوسنة وشعبها .. عن سنوات من العمل المخلص والجاد في كل أحياء إسكندرية وفى لجان فعل الخير ورعاية الفقراء والأرامل.. والدعوة إلى الله ونشر الخير بين الناس والدروس والندوات وخدمة أمتنا عن طريق مجلس الشعب أو النقابات أو اتحاد الطلبة وكل ده .. ورغم انه جزء صغير من إنجازات كثير صعب نقولها كلها عشان الوقت والمساحة .. لكن ده ما كنش لينا فيه فضل .. ولكن الفضل لله وحده .. ولو فيه سبب .. فكان حبنا لامتنا .. ورغبتنا في أن ننال ثواب خدمتها ود الأبد لنهضتها .

طب مش ممكن تدفعوا البلد للهاوية بسبب قلة خبرتكم السياسية ؟

يا جماعة أي مراقب منصف للإخوان يعرف أن فيهم خبرة وكوادر البلد وشرفائها في كل المجالات .. قضاه ومستشارين .. أطباء ومهندسين .. أساتذة جامعة وعلماء ورجال سياسة ودين .. والتجربة أثبتت أدائهم العالي في أي مجال كانوا فيه .. لدرجة أن كان منهم رجال سياسة كانوا سبب في الإصلاح بين دول كالأستاذ يوسف ندا (منسق العلاقات الخارجية للإخوان المسلمين ) ولانظن أن أدائهم البرلماني المتميز عنا ببعيد .

بس انتم تنظيم سري ما حدش يعرف عنه حاجة ...؟

نظن أن الاتهام ده بقة موضة قديمة .. لان كل الإخوان سواء قيادتهم أو أعضائهم معروفين لكل الناس سواء للمجتمع أو الأعلام أو حتى للنظام وحتى تشكيلاتهم الإدارية بداية من مكتب الإرشاد ورئيسة ( فضيلة المرشد الأستاذ / محمد مهدي عاكف ) مرورا بمجلس شورى الجماعة المنظم لسياستها ولوائحها الداخلية حتى المكاتب الإدارية للعمل في المناطق والمحافظات بقيادتها الإدارية معلنة فردا فردا .. على سبيل المثال رئيس المكتب الإداري للإخوان في محافظة الإسكندرية هو الأستاذ الدكتور / أسامة نصر أستاذ التحاليل الطبية والباثولوجي بكلية الطب جامعة الإسكندرية . فنحن بالفعل لدينا تنظيم أدارى ينظم أعمالنا نؤمن أن الإسلام دين نظام .. لكن هذا النظام معلن لكل الناس دون خوف أو ريبة .

طب شعار الإخوان .. يعنى إيه ؟!

المصحف .. يعنى إحنا عايزين نحكم بشرع ربنا .. وتكون كل حاجة في حياتنا وفقا لدينه .. ( قل إن صلاتي ونسكى ومحياي ومماتي لله رب العالمين لا شريك له وبذلك أمرت وأنا أول المسلمين ) سورة الأنعام
والسيف .. إحنا مش بنقول يأما المصحف أو السيف .. لا .. معناه لن المصحف لازم يحميه السيف ..
وان دينا وكتابنا .. اللي هو المصحف .. حنحميه بأرواحنا من أي حد يحاول يعتدي عليه .

من طرف engmohamed 2007-08-20, 3:07 pm

السلام عليكم ورحمة الله
جزاك الله خيرا يا اخى
وعايزين رد على الشبهات الدينية كما ردت على الشبهات الدنية

من طرف engmohamed 2007-08-20, 3:09 pm

اقصد الشبهات الدنية كما ردت على الشبهات السياسية

من طرف **muslema_99** 2007-08-26, 9:18 pm

بجد بارك الله فيك

موضوع رائع

وكنت احتاج اليه بصفه شخصيه

حقا جزاك الله خيرا كثيرا ورزقك الفردوس الاعلى

من طرف **Eng_metwaly** 2007-08-28, 2:10 pm

اللهم ..... آمين

من طرف NOR_ELGENAN 2007-08-28, 4:20 pm

ما شاء الله انا شكلى ادبست scratch

طيب خير ربنا يستر

على العموم انا معترضه على حاجه

فعلا كل طفل بيتولد بيبقى ليه اسم

لكن مش لازم يبقى متبع لجماعه اخى

لازم يكون مسلم صح بعيدا عن التصنيفات سواء اخوان او سلف او غير

انتو موهومين بالاخوان زياده عن اللازم

انت عندك دستورك

القران

وسنه نبيك " صلى الله عليه وسلم "

اعتقد انك مش محتاج حاجه اعظم من كدا تمشى وراها زى اخوان او غيره

اعزكم الله

من طرف engmohamed 2007-08-29, 2:08 am

اولا يا استاذة NOR_ELGENANاريد ان نتفق اننا مأمورين بالعمل لهذا الدين وحمايته من الاعداء .
ثانيا هل تستطعين حماية هذا الدين بمفردك
من فضلك اجيبى على هذا السؤال بصراحة وبعدها نكمل هذا الحديث
والسلام عليكم

من طرف NOR_ELGENAN 2007-08-29, 6:36 pm

طبعا انا معك متفقين ولكننا لسنا متفقين فى شئ اخر

الطريقه للعمل لهذا الدين ونشره

وحمـــــــــــــــــايته

هناك طرق غير طرق الاخوان

لا حول ولا قوه الا باله هما الاخوان مسلمين وبيخافو على دينهم ويحموه

وباقى الملاييين اللى مش من الاخوان مش مسلمين

اى انسان يستطيع حمايه دينه بدون الاخوان او بدون تفرقات انا ارى هذه التقسيمات تفرق امر المسلمين

واعتقد انو الاصلاح العام للمسلمين يبدأ باصلاح النفس

يعنى لا يشترط انك تعمل من نفسك حاجه لانك من الاخوان على اساس انها جماعه كبيره والمفروض انها موثوق فيها وعلى حساب دا تلاقى شباب ملهمش لازم يقولو كلام اعتقد انو لا يمس امر هذه الجماعه على لسانها وتحدث الفتن والمفروض انى اثق فى كرمهم لمجرد انهم تابعيين لهذه الجماعه

انا ارى انو المسلم ممكن يعمل كل شئ من اجل الاسلام

ويقوم علىى حمايه بدأ بنفسه

اعزكم الله

من طرف engmohamed 2007-08-30, 3:37 pm

جزاكم الله خيرا على الاهتمام يانور والحمد لله وصلنا لنقاط اتفاق اننا مأمورين بتعمير الارض ونشر الفكرة الاسلامية والعمل لدين الله والجهاد فى سبيل الله واداء الفرائض وليس صيام وصلاه فقط
اود ان اسئلك بعض الاسئلة واتمنى ان تجيبينى عليها
1- ما هى الطرق لحماية هذا الدين من هجمات الاعداء ونحن نعلم انا كل الدنيا تكالبت علينا ؟
2- ماهى الظروف التى نشئت فيها جماعة الا خوان ولماذا نشئت وماذا تعلمين عن مؤسسها ؟

من طرف NOR_ELGENAN 2007-08-30, 8:50 pm

السلام عليكم ورحمه الله وبركاته

بص يا سيدى علشان كدا انا بقولك انتو عايشين فى وهم

بص يا بشمهندس اولا اللى قالو واللى عملو الامام الشهيد حسن البنا غير اللى بيعملوه الاخوان دلوقتى انت بتلف فى دايره مقفولله

انا مش بتكلم كلام فى الهوا وقبل اى شئ انا قرات كتاب الامام الشهيد حسن البنا وعرت كل شئ عنه من مولده لوفاته

وظروف حياته

ولكن ما يحدث الان من قبل هذه الجماعه ليس ما كان ما يريده الامام الشهيد

وبعدين انا قلت انو الاصلاح العام يبدأ باصلاح النفس

والطرق لحمايه هذا الدين

مش انك تكون عضو فى المجلس ولا رجل سياسه هو دا مطلوب طبعا انك تكون مسلم معاك سلطه لكن اى سلطه هنا هتفرق

انت معايا هتفرق فى انك ماشى على قانون صح اسلامى يا مسلم

ولا ماشى على الدستور وعلى مزاج اللى ماسكين الدوله

الاولى ليك ان تصلح نفسك واسرتك ومجتمعك هيطلع مجتمع صالح

واكيد دا هيعم على الدوله وسياستها

مشكلتنا اننا عاوزين ننط السلم ومحدش بيعمل كدا نمنا شويه اه

لكنمش اول لما نصحى ننط تنكسر رقبتنا ممكن ناخد بسرعه نعمل بجد

عزيزى انا لا اريد الجدال ولا الاطاله

لكن كنت كل ما اريده عدم التهباهى بشئ ليس بجيد

اعزكم الله

السلام عليكم

من طرف engmohamed 2007-08-31, 12:54 am

الحمد الله والصلاة والسلام على رسول الله صلى الله وسلم
اما بعد
انا والله لااباهى بشىء,ولا احب الجدال والله انا احب كل من يحمل هم هذا الدين وادافع عنه ولااهاجم احد ولكنى ارفع الظلم الواقع عليهم من قبل الغرب وقبل من يريدون عدم تطبيق شرع الله فى الارض ومن قبل من يروج هذا فى الداخل واريد منك الانصاف واريد منك طرح الشبهات شبهة شبهة واوجه الاختلاف بين ما ينادى به حسن البنا وما يفعله الاخوان الان ونمسك طرف الخيط .
وارجو منك عدم اتهام ان كل من ينتمى لهذا الجماعة انه موهوم او انه ضال او انه يضع وقته
جزاكم الله خيرا

من طرف NOR_ELGENAN 2007-09-03, 9:29 am

هههههههههههههههه

ما شاء الله ايه يا بشمهندس شكلك بتحب الدجدال بس انا مش كدا خالص

بص نهايه الموضوع دا انا كان كل اللى اقصده انك تفكر صح وتعرف الطريق اللى انت ماشى فيه نهايته ايه قبل ما تبتديه علشان متقعش

انا اعرف كثير من اللى كانو اخوان اد ايه تعبو

انو فاكرين نفسهم وصلو بجد لما بقوا من الاخوان

وبينزلو الانتخابات ويمشو فى المسيرات

افتكرو انو هو دا الاسلام وهو دا الدين

ونسيو الاصل فانهم الاولى تعلم اصول دينهم

وخدهم الوقت للاسف ونسيوا نفسهم وافتكروا نفسهم حاجه وطلعو لسابع سما

لكن للاسف خدع واهيه والاخر سقطوا الى سابع ارض

وكل كلامى خوفا عليك لا اكثر

انا لا استطيع ان امدح او اذم شئ ما لكن انا اتكلم على قدر معرفتى

بمثل هؤلاء الناس وهذه الجماعه

اعزك الله اخى

واسكنك جنات النعيم

واجيرا اقولك على شئ يريحك

متعملش شئ فى حياتك غير لما تعرف انو ربنا امرك بيه ورسولك اكد عليه

بالقران والسنه

واسباب نزول الايه او سبب قول الحديث

وبعدها تقول افعل الشئ ام لا

هذا هو الطريق الصيح سواء كنت اخوان او غيره هذا لا يهم الاهم انت

وما بداخلك اعزك الله

واسفه للايطاله وكثره الكلام فى مثل هذا الموضوع

من طرف engmohamed 2007-09-03, 3:03 pm

السلام عليكم
جزاك الله خيرا على الاهتمام وسعة صدرك
1- اريد ان اقول لك اولا ان علماء الا خوان يملؤن العالم كله بالنور والضياء وفى كل مكان ولكن لايوجد لهم منبر ويوجد عليهم تعتيم شامل من قبل اعداء السلام فى الداخل والخارج.
2-على فكرة المسيرات والانتخابات والسياسة عموما دى الحاجات الظاهرة لك ولعامة الناس
ولكن يوجد دروس علم فى العقيدة والفقه والحديث والسيرة والاخلاق والتفسير والتربية وحتى للطبخ بالنسبة الاخوات ومن اعمال الخير الكثيرة التى لايعلمها الا الله وكل هذا فى مناهج ومقرارت وبنظام وكان هذا الكلام لكل عامة الاخوان وحتى المرشد نفسه له منهج .
3-نعم تجدى من الاخوان بعض الامثلة المذبذبة لانهم بشر يصيب ويخطىء مثلى ولكن هى مرحلة انتقالية وتجد النفس تحرض دائما ان تترك الجماعة ولذالك اعرف انا عندما تحدثنى نفسى على ان اترك هذا الخير اعلم انه الحق وان هذا صعف منى وعندى ذنوب كثيرة وادع الله ان يغفر لى هذه الذنوب.
4- عندما تريدن ان تعرفى الحق ابحثى عن اى اناس مطهضون فى اى مكان تأخذ ارواحهم واموالهم ويضعون فى السجون والمعتقلات ماهى جريمتهم اتعلمبن ما هى الجريمة
الجريمة هى انهم اناس عمليون يؤمنون بأن الله غايتهم والقرآن دستورهم والرسول قدوتهم والجهاد سبيلهم سواءكان بالكلمة فى المكان الذى يوجد به فرصة او بالسلاح كما يقوم به الاخوان الان فى فلسطين (حماس) لمحاربة قتلة الانبياء .
5-اخر نقطة فى هذا الموضوع اريدك ان تعملى لخدمة هذا الدين باى طريقة ترينها او باى طريقة تناسبك دون ان تهاجمى اى شخص اوجماعة لان كله فى الاخر يصب فى مصلحة الدين .
واسف جدا
وجزاكم الله خيرا

من طرف NOR_ELGENAN 2007-09-03, 4:07 pm

"عندما تريدن ان تعرفى الحق ابحثى عن اى اناس مطهضون فى اى مكان "انا مش معاك فى دى مش شرط انهم يكونو على حق

"اخر نقطة فى هذا الموضوع اريدك ان تعملى لخدمة هذا الدين باى طريقة ترينها او باى طريقة تناسبك دون ان تهاجمى اى شخص اوجماعة لان كله فى الاخر يصب فى مصلحة الدين " كمان انا لا اقصد مهاجمه علشان كدا مش رضيت اكمل الحوار المهاجمه انى اعددلك العيوب وكذذا وهكذا لكن كل اللى قلتهولك انك تفكر والطريق الصح اللى المفروض تمشى فيهواعتقد انى مغلطتش لما قلت انو اساسك مش الاخوان اساس دينك كتاب الله وسنه نبيه ولما تلاقى الاخوان يفعلون ما يتعارض معهم اكيد مش هتعمله اعتقد كدا ولو عملته يبقى وزر عليك لانك مش مغمى عنيك وماشى ورا ملايكه

عذرا اخى
ربنا يكرمك ان شاء الله

من طرف engmohamed 2007-09-03, 8:08 pm

جزاكم الله خيرا يا درعمية
هو لما الرسول والصحابة كانو مطهضدون علشان عايزين يحكموا بشرع الله اكيد كانو على حق
لما اخذت من سيدنا صهيب الرومى كل امواله كما يحدث الان مع المهندس خيرت الشاطر
اكيد كان على حق
اه فى ناس بتضحى على باطل انا معاك بس لايلاقوا كل هذا التعذيب والتضيق ونحسب ان الاخوان يدافعون على حق ولايدافعون على باطل
وجزاكم الله خيرا

من طرف **khaifalek** 2007-09-03, 11:31 pm

السلام عليكم ورحمة الله وبركاته
اخى فى الله المهندس الفاضل
اختى فى الله نور الجنان
سعدت جدا من وجود نقاش بينكم وربنا يحفظنا جميعا ويهدينا ويثبتنا
لكن......
اللى حز فى نفسيتى طريقة النقاش
فى لحظات كدا كنت بحس بلسعة تهكميه واتمنى انى اكون خاطئ
اخوكم فى الله

الإخوان بيت شفاف ولكنه ليس من زجاج

الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج

رد: الإخوان بيت شفاف ولكنه ليس من زجاج