يوميات اتنين مخطوبين ..الحلقه الحادية عشر

من طرف **muslema_99** 2007-08-27, 10:51 pm

استقرت حياتى انا وعمر بعد الخطوبة الرسمية وشعرنا سويا باستقرار نفسى كبير أصبح لكل منا شريك

يستريح على شاطئه ويلقى على كتفه همومه أصبحت لا أخجل من وجود رجل فى حياتى !! أكلمه على الملأ أمام أبى

وأخوتى وأتحدث عن أراءه وأفكاره وأستشهد بها بدون خجل 00 وهل يخجل المحامى عندما يستشهد بمواد القانون ؟؟؟!!

وان كان الأمر لا يخلو من المشاحنات والخلافات البسيطة التى تزداد بعصبية عمر التى تشتعل سريعا وتخبو سريعا ولكنى

أخاف كثيرا من هذه العصبية والتسرع فى رد الفعل الخاطىء له فى أحيان كثيرة 00 ومما يزيد عصبيته عنادى الطفولى

الذى هو من أبرز عيوبى للأسف !!

سارة

شعور جميل ان يكون لك صديق وحبيب فى حياتك تتبادل معه الأخبار والأوجاع والضحكات 00 أشعر

أنى قبل معرفتى بسارة لم أكن موجودا فى هذه الحياة 00 أشعر معها وكأننى طفل صغير يعود سريعا فى نهاية يومه ليقص

على أمه كل ما حدث له فى يومه 00 أحب ردودها التلقائية وضحكاتها البريئة وخوفها الطفولى عندما يرتفع صوتى فى

عصبية 00 ولا أطيق غضبها منى وأبادر دوما بمصالحتها 00 كم أحب وجودك معى يا سارة 00
عمر

لاحظت أن أكثر أوقات خلافنا أنا وعمر هى عند عودتى من عملى فى الرابعة 00 ولو اتصل بى

ووجدنى نائمة أو رددت عليه فى تعب يختلق أى مشكلة تافهة ويغضب عليها !!! هل يغار عمر من عملى ؟ أم من انشغالى

عنه لمدة ساعات فى اليوم ؟؟! رغم انى أحادثه من عملى تليفونيا وأصلا عملى من الثامنة حتى الرابعة زى ناس كثيرين جدا

00 أمال لو كنت طبيبة وأبات فى المستشفى كان عمل ايه ؟ أكيد كان انتحر!! راودتنى شكوك حول الموضوع ده واشتكيت

لأمى فقالت لى ( طبيعة الرجل دوما أنانية لا يريد أن يشغلك عنه أحد أخر حتى لو كان عملك ونجاحك !! استحملى يا بنتى

ولا تفتحى معه هذا الموضوع حتى يفتحه هو !!)

ولم أنتظر طويلا حتى جاء يوم وكلمنى فى التليفون بعد عملى كالمعتاد وكنت ح أموت وأنام ساعة فكنت أرد عليه سريعا

فلاحظ ذلك وقال لى مباشرة :

- سارة انتى الشغل ده مهم عندك أوى ؟

- يعنى اية مهم يا عمر؟ هو يعنى فستان اخده ولا اسيبه ؟ ده شغلى ونجاحى 00 وبعدين قصدك ايه ؟

- قصدى انك ياريت تسيبه بعد الزواج وياريت من دلوقت !!

- رددت عليه بذهول : بتقول ايه يا عمر ليه ده كله ؟ هو شغلى مضايقك فى ايه بس ؟[

- أنا ما أحبش مراتى تشتغل وترجع البيت الساعة خامسة وتتبهدل فى المواصلات 00 علشان ايه ده كله ؟[
- طيب ما قلتش ده ليه قبل الخطوبة ؟ واتقدمت لى ليه أصلا وانت عارف انى باشتغل ؟

- فوجىء عمر من رد فعلى الهجومى وكأنه كان يتوقع الطاعة المطلقة : يعنى لو كنت قلت لك ده قبل

الخطوبة كنتى ما وافقتيش على ؟

- رددت بعناد وبتسرع : طبعا !!

- صمت عمر وتألم من ردى القاسى ولم يرد 00000000000

- حاولت تهدئة الجو قبل أن تثور ثائرته وقلت له : ياعمر من فضلك افهمنى ليه دايما الرجل اول ما يرى بنت وتعجبه

يعجبه نشاطها ونجاحها فى العمل وطموحها وثقافتها ويتقرب لها من هذا الجانب 000 ولما خلاص تصبح ملكه يسعى

جاهدا ان يجعلها صورة من جدته لا تخرج ولا تعمل ولا تبدى اى أراء الا من خلاله 00 ثم بعد هذا يشتكى من تغيرها بعد

الزواج !!!!

- أنا مش عاوز أخليكى زى جدتى ولا حاجة 00 أنا بس مش عاوزك تشتغلى فيها حاجة دى ؟

- كان مفروض تكون صريح معايا اول ما اتقابلنا وتقول لى الكلام ده وانا اللى اقرر حياتى ح تكون

ازاى معاك واما اوافق او ارفض 00لكن انت كده بتضعنى امام الامر الواقع 00

- رد بعصبية كبيرة : يعنى انا خدعتك يا سارة قصدك كده ؟

- حاولت تهدئته فرددت عليه : يا سيدى ولا خدعتنى ولا حاجة 00 طب انت ايه اللى مضايقك من

شغلى ؟

- تقدرى تقولى لى لما نتجوز ح تراعى البيت ازاى وانتى بترجعى المغرب ولما نخلف ح تسيبى البيبى

فين الوقت ده كله ؟

- هو انا اول انسانة فى الكون بتشتغل ؟ اكيد كل دى حياة ملايين السيدات مش انا بس ؟

- رد بضيق : اهو انا باتضايق من عنادك ده يا سارة !!

- ده مش عند ده حق لى انى اكون ناجحة 000 مفروض وجودنا فى حياة بعض يخلينا احنا الاتنين

ناجحين مش واحد ينجح والتانى يكون مجرد ظل باهت للاخر وخلاص 00

- يعنى انتى مش عاوزة تسمعى كلامى ؟

- رددت بعناد كبير : اسمع كلامك لما يكون فيه منطق 00 لكن لما يكون تحكم وخلاص وفرض رأى

انا اسفة انا مش ح اقدر أسيب شغلى بدون مبررات كافية 0000
000
- ده اخر كلام عندك ؟

- أحسست ان كلمته دى بداية مشكلة كبيرة ومع ذلك رددت بعناد كبير : ايوة !!

- خلاص انتى اللى اختارتى يا سارة 00!!!!!000000

يا ترى مين العنده حق ..عمر ولا ..ساره

طيب انتم ايه رأيكم

وتفتكروا ايه الهيحصل ومين الهيتنازل عن رايه ولا خلاص كده هيسبوا بعض

يا رب استر

من طرف **Eng_metwaly** 2007-08-28, 1:24 am

على فكرة المسئولية فى موضوع عمل الزوجة مشتركة والموضوع ده عايز قرار ثنائى من الطرفين وشكراً أنكى فتحتى موضوع مهم جدا وفى غاية الأهمية وه عمل الزوجة أنا أرى فى القاهرة كثيراً سيدات فى محطات الأتوبيس ينتظرن الأتوبيس بعد عودتهن من العمل وبيكون النهار قارب على الإنتهاء طيب سيدة زى دى حتنظف البيت إمتى وحتحضر الأكل امتى وحتذاكر لأولادها إمتى وحتعرف احتياجات البيت وتطلبها إمتى ( على كتفها مسئوليات كثيرة) وكمان بشوف سيدات بتجرى على الأتوبيس من أجل اللحاق به وأحيانا أرى داخل الأتوبيس سيدات يحاولن الخروج من الأتوبيس بطلوع الروح بالذات لو كان الأتوبيس أبو ربع جنيه

من طرف **Eng_metwaly** 2007-08-28, 1:28 am

أولا أنا عارف إن المشكلة دى معقدة دخل الرجل لا يكفى وخصوصاً لو كان موظف والست الأيام دى عندها استقلالية ولازماً تشارك فى البيت وفى كمان رجالة ماعندهاش دم ممكن يخلى مراته تنزل تشتغل وهو قاعد فى البيت ( زى ..........)
أرى أن الإسلام كرم المرآة وجعلها جوهرة يجب أن تصان ويجب أن تراعى خير المراعاة

من طرف **muslema_99** 2007-08-30, 4:47 am

حقا اخى عندك حق بس الموضوع مش بسيط حقا الموضوع كبير اوى

موضوع شغل المرأه فعلا موضوع

أرى أن الإسلام كرم المرآة وجعلها جوهرة يجب أن تصان ويجب أن تراعى خير المراعاة

هذه مقولتك اخى وانا اتفق معك فيها

لكن المجتمع اهانها

نعم اهانها عندما جعل دخل زوجها ضعيف وخرجت حتى تكفى بيتها

حقا ان تكلمت فى هذه القضيه لن انتهى ولو فى 10 صفحات

كتبت قبل هذا رد ولكن انقطع التيار الكهربى

وبصراحه مش قادره اعيد

بس هذا الملخص للكلام

نفسى المجتمع يرجع يفهم حقا دور المراه وان بإنصلاحها ينصلح المجتمع ككل

من طرف **Eng_metwaly** 2007-09-01, 1:24 am

انتى عارفه فى غزوة بدر فاكرة قصة معاذ ومعوذ

أحدهما قال للصحابى أن "أمى قالت لى لا تعود من البيت حتى تقتل أبا جهل"

هكذا كان دور الأم

أنا مشفق على الزوجات التى تعمل والله عبْ كبير جدا

اللهم أصلح حال الأمة

أنا أشعر بالضيق حين أرى تلك الحالات

أنا لست ضد عمل المرآة ولكن ضد محو الدور الرئيسى للأم أو الزوجة

من طرف **Eng_metwaly** 2007-09-01, 1:31 am

بس هو فين الحلقات اللى بعد كده ؟؟؟!!!!!!!!!!!!

من طرف **muslema_99** 2007-09-02, 3:37 am

أعتذر حقا اخى الكريم

كنت مشغوله كتير

وكمان الهرد بتاعى التانى المحمله عليه الحلقات فيه مشكله

ولكن الله المستعان

يومين بالكتير وأكمل باقى الحلقات بإذن الله

من طرف **Eng_metwaly** 2007-09-02, 4:30 pm

يارب الهارد يشتغل

وجزاكم الله خيراً

يوميات اتنين مخطوبين ..الحلقه الحادية عشر

يوميات اتنين مخطوبين ..الحلقه الحادية عشر

رد: يوميات اتنين مخطوبين ..الحلقه الحادية عشر

رد: يوميات اتنين مخطوبين ..الحلقه الحادية عشر

رد: يوميات اتنين مخطوبين ..الحلقه الحادية عشر

رد: يوميات اتنين مخطوبين ..الحلقه الحادية عشر

رد: يوميات اتنين مخطوبين ..الحلقه الحادية عشر

رد: يوميات اتنين مخطوبين ..الحلقه الحادية عشر

رد: يوميات اتنين مخطوبين ..الحلقه الحادية عشر