أخيرا..الحلقه (12) يوميات اتنين مخطوبين

من طرف **muslema_99** 2007-09-03, 12:12 am

أول مرة نتخاصم انا وعمر من يوم ما اتخطبنا 00 اتخانقنا كتير

لكن كنا بنتصالح سريعا والحق يقال كان هو دائما من يبادر

بصلحى حتى لو كنت انا المخطئة !! 00 احساس البعد سىء جدا

شعرت ان ايام الخصام القصيرة مرت كأنها شهورطويلة 00 لم

يحادثنى فى التليفون ولم يرسل لى رسالة ولا حتى رنة 00 وأنا

كرامتى منعتنى أن أبدأ أنا بالحديث 00 لماذا يضغط على بهذا

الأسلوب كى يرغمنى عن التنازل عن مستقبلى 00 وهل هذا اخر

تنازل أم ان سلسلة التنازلات لن تنتهى ؟!! انا لا أعرف وجه

تصميمه على تركى العمل 00 وهل وانا تعديت الخامسة

والعشرين اخذ مصروفى من ابى مثل الاطفال ؟ ومتى انضج

واتعلم الاستقلالية اذن ؟ فى سن الستين ؟ يبدو ان الرجل يريد من

زوجته ان تكون تابعا له بلا اى شخصية 000 كده يا عمر هنت

عليك ؟
سارة

كده يا سارة هنت عليكى ؟ لم تفكر ان تتصل بى ولا مرة حتى ولو

من باب الاطمئنان على ! انا الذى عودتها على هذا الاسلوب 00

فى كل مرة نختلف ابادر انا بمصالحتها حتى لو كانت هى

المخطئة 00انا بجد دلعتها كتير وممكن تظن انها متحكمة فى

بهذا الأسلوب او انى شخصيتى ضعيفة !! 00لا انا مش ح اسأل

عليها المرة دى مع انى ح اتجنن وأسمع صوتها بس هى لازم

تسمع كلامى وتطيعنى بلا نقاش !! وبرضه مش ح اتصل !!
عمر

درجة حرارتى ارتفعت من الانفلونزا واشعر بصداع رهيب ألزمنى

الفراش 00يبدو ان هذا مرض نفسى زى ما بيقولوا 00 ووجدتها

حجة مقنعة كى ابكى براحتى واتحجج بالصداع 00 لاحظت

امى ان عمر لا يتصل ولا يأتى من اسبوع فسألتنى عن السبب

فتحججت بحجج واهية 00 فقالت لى (أسألى عنه انتى يا سارة

00 الرجل بيحب دائما ان يشعر باهتمام كبير مثل الطفل تماما

!! ) فرفضت بشدة 000 ففهمت ان هناك مشكلة ولم تلح على فى

معرفة الأسباب 00 وخرجت من غرفتى وتركتنى انام وبعد قليل

سمعت صوتها يتحدث فى التليفون مع حماتى العزيزة وتجتهد ان

تجعل الحديث عاديا جدا وختمته بخبر هام جدا من أجله كان كل

هذا الاتصال وهو ( ان سارة عيانة جدا جدا 00 ونايمة يا عينى

فى السرير درجة حرارتها 60 !!!)

تابعت الحديث وابتسمت من حنية امى ورقتها تريد ان تصالحنا

انا وعمر بدون ان تتطفل او تتدخل 00 يا حبيبتى يا ماما !! بس

لو عمر ما اتصلش برضه بعد ما يعرف انى تعبانة 000 معقول ؟

معقول يا عمر ؟ !!!!!
سارة

سارة تعبانة ؟ يا حبيبتى يا سارة ؟ علشان كده ما اتصلتش بى

وانا ظلمتها 000 لازم اروح لها حالا 00 اهو المرض جه حجة

كويسة علشان اروح بسبب مقنع اصلى خلاص بجد مش قادر

على البعد والخصام الرهيب ده 000
عمر

كده يا عمر ولا حتى رسالة ؟!! قلتها لنفسى وانا لا أنزل عينى من

على الموبيل وكأننى اخاف لو ابعدت عينى عنه لن اسمعه لو رن

!! منتظرة اتصال عمر الذى لا يأتى 00 يبدو انه فعلا قاسى

ويرغمنى بكل الطرق ان اتنازل عن كل شىء 00 حتى يضغط

على وانا مريضة !!! انا لا يمكن أكلمه بعد اليوم 00 ولا اعتقد

انى سأكمل الخطوبة اصلا 00 بجد مش عاوزاه 000 صوت ماما

يرن ( عمر جه يا سارة !!!)

سارة

نسيت كل خلافى مع سارة وزعلى منها عندما رأيتها وهى متعبة

محمرة العينين مرهقة كأنها لم تنم من سنين 00 وهتفت بها فى

قلق كبير اول ما رأيتها- ( الف سلامة عليكى 00 ان شا الله انا

وانتى لأ)

- بعد الشرعنك يا عمر انا الحمد لله بخير 000 همست بالكلمات

فى صوت خفيض

- اول ما عرفت انك تعبانة جيت جرى 00 خلى بالك من نفسك يا

سارة انتى دلوقتى مش بتاعتك لوحدك لا بتاعتى انا كمان 00

- 00000000

- انتى زعلانة منى ؟

- 000000000

- خلاص بقى 00 حقك على 00 انا فعلا اخدت الموضوع بعصبية

شوية بس انا خايف عليكى مش اكتر 0

- كان ممكن نتناقش فى الموضوع بهدوء ومن غير ما حد يفرض

سيطرته ولا يحاول يلغى شخصية الطرف التانى 00

- طيب لو قلت لك علشان خاطرى فكرى فى موضوع الشغل ده

تانى 00 تقولى ايه ؟

- أقول خاطرك غالى على جدا 00 وانى بالاسلوب ده فعلا ممكن

أفكر فى حل وسط 00 مثلا انى بعد الزواج ادور على شغل

مواعيده بدرى عن كده فى حضانة مثلا 00 علشان البيت والبيبى

00 موافق ؟

- موافق جدا وح نسميه ايه ؟

- مين ؟

- البيبى ؟!!!

- 0000000000000000000

من طرف engmohamed 2007-09-03, 2:17 pm

هذه الحلقة انا استخلصت منها درسين جملين
1- هنا دور الام الطيبه التى تريد السعاده لابنتها مع عدم جرح مشاعر ابنتها .
2-ان الحوار الهادى المتحضر الراقى بين الزوجين هو سر النجاح والاستمرار بحيث لايلغى طرف الطرف الاخر

من طرف **Eng_metwaly** 2007-09-03, 5:48 pm

فعلاً الواحد ما يعرفش أد إيه هو بيحب الناس القريبة منه ولا قيمتهم إلا لما يتعبوا عشان أنا لسه مجرب الكلام ده هذا الأسبوع

وجزاكم الله خيراً على تكملة هذة المسيرة الرائعة

to be continued^^^

من طرف **muslema_99** 2007-09-04, 2:04 pm

حقا جميل ان نستخلص دروس مما نسمعه

اى حاجه لازم يكون لنا هدف منها

ونشوف النتائج هل تؤدى الى الهدف ام لا

وانا سعيده جدا اننا بدانا نتجاوب مع الحلقات ونقول راينا فيما نقرا

جزاكم الله خيرا على مروركم اخوانى

واتمنى ان ارى ردودكم دائما ونتناقش فى امور حيانتا معا نستخلص منها الدروس والعبر

من طرف **muslema_99** 2007-09-04, 2:08 pm

وحقا اكثر ما شدنى الامرين الذين قد ذكرتهم اخى

دور الام التى تريد السعاده لبنتها دون ان تجرحها

ودون ان تكون متطفله

لانها بهذا تعودها ان من الخطوبه هى وزوجها اسرارهم او كلامهم العادى اسرار

يعنى لا يخرج بينهم ابدا وده شئ جميل

وطبعا الحوار الراقى الذى نفتقده كثيرا فى مجتمعاتنا

والاحترام بين الزوجين اهم عندى من الحب

بالاحترام والرقى فى التعامل يقومان الحب فحب بدون احترام ليس حب

أخيرا..الحلقه (12) يوميات اتنين مخطوبين

أخيرا..الحلقه (12) يوميات اتنين مخطوبين

رد: أخيرا..الحلقه (12) يوميات اتنين مخطوبين

رد: أخيرا..الحلقه (12) يوميات اتنين مخطوبين

رد: أخيرا..الحلقه (12) يوميات اتنين مخطوبين

رد: أخيرا..الحلقه (12) يوميات اتنين مخطوبين