عودة الاهبل

مغترب عبيط ..من خيبته..فرحان انه رايح مصر:.......


راجع مصر بعد 10سنين غربه

ركبت طيارة مصر للطيران

صدقونى حسيت وانا داخل الطيارة بريحة ملوخية بالتقلية داخلة نخا شيشى واحشنى اكلك ياما

فى شركات الطيران التانية معاندكش وقت تشم علشان عنيك بتبقى زايغة على الركاب ...ماعلينا

مضيفات مصر لطيران اخر احترام وشياكة ..الله عليكى يامصر والطيارة واضح انها جديدة ومتكلفة..عارف عارف حتقولوا موش موضوعنا

على بركة الله طلعت الطيارة وعينك ماتشوف الا النور.. ايه..خير الله ما اجعله خير اخ من الاخوة اخد ركن فى الطيارة موش عارف جابه ازاى على الرغم من الطيارة مفيهاش منفس ..والله واكبر وبدا يصلى.....عمى ..اخويااا....كابتن ...طب ازاى والقبلة ..ووو ....الواوات كتير ولا تعليق.

ادامى ست مصرية ايه تبارك الله مكياج ايه ..وريحه مدرك ايه.. قصدى.. بارفان غالى من اللى بيقولوا عليه..واضح انها لسه خارجة من عمرة شد وش ودهانات على حبة ترقيع والذى منه
من الاخر نيو لوك .فى بالى قولت لما ده النيو لوك اما اللوك القديم كان شكله ايه وبخباثة قلت لنفسى ادفع نص عمرى واشوفها قبل النيولوك ...لا وعلى ايه هو العمر بعزقة

واذا بصوت ملائكى ...مدام.. يعنى.. مخكوا مايروحش لبعيد.. بتكلم ابنها بالانجليزى ...الله وايه لزمة الانجليزى والطيارة مصرية والقعدين من غير حسد مصريين والواد مصرى والام مصرية بالصلاة عالنبى
وواضح والله اعلم انها من بولاق الدكرور مع الاعتذار لبولاق الدكرور طبعا


الاستاذ اللى جنبى كان قاعد موش على بعضه كل شوية يقوم ويقف ويعدل فى الكراسى قولت له ايه مالك قاللى موش عارف عاوز اظبت ضهر الكرسى وموش عارف قولتلوا بسيطة وتطوعت فى شهامة ابن البلد ودوست على الجرس علشان المضيفة تيجى وياريتنى ما دوست

جت الست المضيفة وبكل رقة وذق ابتسمت وباخر احترام وادب قالت ايوه يافندم:nose:
طبعا الاستاذ اللى قاعد جنبى ابدى شئ من الكسوف (عرفت فيما بعد انه ماكانش كسوف..)وبما ان انا اللى ضربت الجرس تطوعت بشرح المشكة

وعينك ماتشوف الا النور... الملاك بقى وحش كاسر كشر عن انيابه وزام وهاج وكراسى طارت فى الهوا(والحمد لله ماكانشى فيه كلوبات) انتوا يامصرين كده الطيارة طالعة سليمة.. الكرسى عملك ايه. علشان تكسروا

وعموما بقى مافيش اى كراسى فاضية وحاتفضل قاعد عليه كده لغاية مانروح مصر.

.وكل اللى كان بيعملوا صاحبنا اثناء وصلة الردح الحيانى واللى مايشترى يتفرج انه كان بيهز راسه بالايجاب عل وزن اى نعم وانتهت باعتذار صاحبنا ونشكرالمولى ان المضيفة قبلت الا عتذار عن مضض .
..تفتكروا خلص الموضوع ?
طبعا لا .....حاكمل بعد سماع الردود

طب وقبلته ليه ؟؟؟؟؟
غلطانه طبعا دا هو اى نعم معاه عذره انه مش ف مصر بقاله زمان لكن برده التفاؤل الزايد عن حده دا لازم يبقاله حد
كلا فارغ .... ..... .... ارجووووووووووك اوعى تكمل حرام عليك

الشعب المصري متفأل ومتفاهم وديما ديما غلطان
كلام اهبل

الشعب المصري متفأل ومتفاهم وديما ديما غلطان
كلام اهبل

بصراحه مش عارفه ارد اقول ايه باظبط افرح ولا ازعل
على المقابله الطيبه ولا على الردود الغير لائقه مع الغير
وفين وكاظمين الغيظ والكلام بكل ادب وزوق حتى لو كنت انا المضرور
يالا هنعمل ايه بقى احنا كده
ولا ايه رايكم
المهم كمل الحخكايه