يوميات جامعيه (القاهره - حلوان - عين شمس ...............)كلو

من طرف NOR_ELGENAN 2007-08-23, 10:26 pm

السلام عليكم ورحمه الله بركاته flower

كيفك يا جماعه ؟ انا عاوزه مشاركات كتيييييييييييييييييير فى الموضوع دا احنا خلاص هنبدا دراسه قبل بدايه الدراسه الجديده والرجوع لايام الدراسه عاوزه اعرف من كل واحد يدخل هو عمل ايه السنه الماضيه سواء حلو او وحش واستفاد ايه ومواقف مضحكه وكل شئ حصل فى السنه الماضيه علشان نبدأ الدراسه الجديده ونعرف احنا اتعلمنا ايه من السنه اللى فاتت عاوزه اكبر عدد مشاركات هستنا المشاركات

من طرف **Eng_metwaly** 2007-08-24, 12:12 am

جزاكى الله خيراً على هذة الموضوعات التى تجعل الواحد يعبر عما بداخله عشان خاطر ما يحصلوش كبت بس أنا عندى تحفظ بلاش موضوع الواحد عمل إيه عشان الإحراج زانتم فاهمين الباقى ..................
الجميل فى مرحلة الجامعة إنه مجتمع مفتوح بكل ما تحمله الكلمة يعنى بتقابل ناس جايه عشان تتعلم وتقابل ناس جايه عشان تتمنظر على خلق الله وفى ناس جايه عشان تقابل أصحابهم وفى ناس جايه عشان تعمل مظاهرات وفى ناس جايه عشان تسترزق (ارزقنا يا رزاق) وناس بقى معلش جايه عشان تعمل غلط.
المهم إن وسط ده كله ممكن فى ناس بتضيع ............. كل ده كلام مالوش أى لازمه (هو انت يا عم مش لاقى كلام تقوله ولا إيه)............
صحيت الصبح يوم الأحد فى مقر المدينة الجامعية بجامعة عين شمس الكائن بالعباسية أو منشية الصدر وقالوا لى انت لاوما تروح الكلية النهاردة عشان تحضر المحاضرات زى الشاطر يا بابا روحت الكلية وطبعاً نسيت أخد السندوتشات اللى عملاها ماما عشان أنا كنت أبعد هن الست الحاجة مسافة أكتر من ساعتين وزمانها بتدعيلى دلوقتى وتقولى ربنا يوفقك يابنى ويبعد عنك أولاد الحرام .
دخلت باب الكلية وسألت عن الجدول والمدرجات وبالفعل حضرت المحاضرة الأولى وكانت محاضرة فيزياء ولقيت (إيه دة أمة لا إله إلا الله جايه تحضر المحاضرة وبنى أدمين قاعدين على الأرض وعلى السلالم مليين الدنيا المهم شفت سلمة قعدت عليها أو رزلت على واحد قلتله أنزاح( أه على فكرة إسمها اتاخر عشان بتوع القاهرة مايعرفوش يعنى إيه كلمة إنزاح لو إنها مشتقة من كلمة إزاحة ) حضرت تلات محاضرات لحد الرابعة وكان فيه محاضرة فى النص فاضية روحت المدينة حوالى الساعة أربعة كان هذا اليوم كافى أن يجعلنى أكرة الكلية لمدة عام وهذا ما حدث!!!!!!!!!!!!!!!!!!!!
وللحديث بقية

من طرف NOR_ELGENAN 2007-08-24, 5:38 am

Eng_metwaly ما شاء الله عليك والله هايل

الشكر لله انا بحب الموضوعات دى علشان كل واححد يعبر وغيره يستفيدمن تجاربه وليس لان يكون فيها جهر بالمعاصى ودا للمشاركين اللى لسه ناوين يشاركو المهم انو ربنا يعزك بجد وننتظر البقيه ان شاء الله شوقتنا لمعرفه ما حدث بعد ذلك

من طرف NOR_ELGENAN 2007-08-27, 3:12 pm

رحمه الله على استاذ استاذ ماده التاريخ الاسلامى الاستاذ الكتور " شفيق ابو الخير " لقد توفى اللهم ارحمه

انا لله وانا اليه راجعون

من طرف **Eng_metwaly** 2007-08-28, 1:06 am

اللهم ارحم موتانا وموتى المسلمين

من طرف NOR_ELGENAN 2007-08-28, 3:49 pm

اللهم اميييييييييييييييييييييييييين

ربنا يعزك اخى

من طرف engmohamed 2007-08-29, 1:58 am

انا بقى فى نفس كلية الاخ eng_metwalyوالناس متعرفوش انه اخى وانا اكبر منه بسنتين انا بحب الكلية جدا جدا جدا وبحب اروحها جدا وبحب اجاس تحت اقدام اساتذتى ولو استطيع ان اقبل ايدهم لفعلت حيث انهم ليس يعلمونى الهندسة فقط ولكن يعلمونى القيم والاخلاق والذوق الرفيع كعادة معظم اساتذة جامعة عين شمس 00000000
وسوف اكمل لكم يوم جميل فى الكلية ويوم جميل فى المدينة الجامعية ويوم مش ولابد
معلش انا صدعتكم

من طرف NOR_ELGENAN 2007-08-29, 7:22 pm

engmohamed

ربنا يعزك

شوقتنا لمعرفه ما يحدش فى كليتكم

لكن يا بختك بالدكاتره عندك

اومال عندنا عاوزين يضربوا بالجزم ليه

ربنا يهديهم اللهم امين

عاوزين نسمع ونعرف ما يحدث فى كليتكم

ننتظر الباقى اعزكم الله

من طرف **Eng_metwaly** 2007-09-01, 1:13 am

يا عم الحاج صوابعك مش زى بعضها

واللى خاتده القارعة تاخده أم الشعور

أنا مش عارف إيه لازمة الممثل ده بس أهو جه على لسانى وخلاص

يا عم الباشمهندس انت من يومك وانت بتروح المدرسة

يا راجل ده أنا غيابى فى أولى ثانوى كان أكتر من غيابك فى نفس السنة

فاكر لما حبيت أزوغ والمدير جه مرة واحدة وما عرفتش أنط من على السور

اللهم إغفر لنا ما لا يعلمون

أنا ماقلتش إن الكلية وحشة أو دمها تقيل بس صدقنى أنا دخلت الكلية من الباب الغلط أو كنت فاكر إن الكلية زى الثانوى حأفضل نايم طول السنة وفى الأخر أذاكر أسبوعين وخلاص

بس إن شاء الله السنة دى حتكون حاجة تانية أنا عارف إن أنا كل سنة بقول كده بس إن شاء الله المرة دى حيبقى فى تغيير جامد قوى قوى قوى

والله المستعان

وأنا سعيد جدا إن أنت اتكلمت فى الموضوع ده عشان رفيق عمرى

كان لازما يكون معايا فى كل حته حتى فى (مذكرات جامعية)

إنى أحبك فى الله I love you

من طرف NOR_ELGENAN 2007-09-02, 7:47 pm

ما شاء الله

طيب خير نط من ع السور

وتزويغ ودخلتو هندسه اومال لو كنتو ملتزمين

ههههه

ربنا يوفقكم بس بجد باذن الله تكونو مهندسين لنفعه المسلمين والاسلام علشان يكون هناك فرق بين المسلم الملتزم والاخرين فى كل شئ اخلاقيا وفى العمل وكل شئ

اعزكم الله

من طرف **Eng_metwaly** 2007-09-03, 1:04 am

بس بصراحة أحلى حاجة فى الكلية بتاعتى غير إن أخويا شقيقى معاى فيها (وحيسبنى السنة الجاية) إن الدكاترة بتوعها محسسنا إنها فى كلية هندسة عالمية(يعنى تقدر تقول كده جنة الهندسة)

بس على فكرة دة شئ ظرييييييييييييف جداً عشان يرفعوا الروح المعنوية للطلبة (اللى هى أساساً مدمرة بسبب النتائج والإمتحانات والمناهج)

الشئ الظرييييييييييييييييف قوى قوى قوى............. إن نتيجة الإلتماسات اللى قدموها الطلبة طلعت (طيب إيه الظريف فى كدة) الظريف بقى ياريس إن فى طلبة اسمها نزل غلط فى كشوف الألتماس وشيلوهم مواد بعد مراجعة الدرجات بتاعة المواد ده غير إن كان فى ناس (بعد الشر) ساقطة وبعد الإلتماس نجحوهم وفى ناس كانت شايلة مادتين نجحوهم فى مادة وشيلوهم مادة تانية خالص

طيب بالله عليكم دى بقى متبقاش كلية العجائب

أنا خايف أحسن نتيجتى تتغيير وتبقى ساعتها أكبر مشكلة

من طرف NOR_ELGENAN 2007-09-03, 8:57 am

هههههههههههههههههههههههه

معلش يا بشمهندس مفيش حاجه بتيجى بالساهل لازم تتعب

وبعدين الالتماسات دى ملهاش لزمه

احنا عندنا يعتبر الدفعه كلها قدمت التماسات حوالى 4000 التماس اتقدم

اتقبل منهم 6 بالتقريب

فدا امر طبيعى والظلم وراد لكن ربنا موجود وعمره ما بيبقل الظلم انت تعمل اللى عليك وتتوكل وتسيبها على ربنا عمرك ما هتحس بظلم الالتماسات والكلام دا

ربنا هيقف جنبك وتكون من احسن الناس فى الكليه

ومتخفش الكليه بتاعتكو جميله وموادها شيقه عاوزه بس شويه حب منك ومعاهم شويه مذاكره وتبطل تزويغ انت واخوك

ربنا يهديكم

ههههههههههههههه

ربنا يكرمكم يارب

من طرف engmohamed 2007-09-03, 2:08 pm

السلام عليكم
انا والله عمرى مزوغت من المدرسة ولا الكلية انا كنت بسعده بس على الهرب لانى كنت بذاكر وقت الدراسه فى الثانوى فىالفصل اصل انا كنت محبش اضيع وقت ولكن الان انا بضيع وقت الان نوعا ما اماا لاخ كان لايوجد مدرسين وكان فى اخر شهرمن الدراسة وكان فى اولى ثانوى

من طرف NOR_ELGENAN 2007-09-03, 4:11 pm

هههههههههههههههههه

طيب يا بشمهندس انا غلطت بس اخوك هوا اللى قال

على العموم عادى اعتقد انو مفيش ولد فى ثانوى مزوغش من المدرسه

انا نفسى لو كنت ولد كنت زوغت لكن كانت مشكله

يلا بقى مش مهم

فعلا مدراس ثانوى عاده بتبقى تضيع للوقت وبعدين عاوز تلاقى مدرسين فى اخر شهرين بيبقى منهكين فى العمل اتقوا الله بيبقى عندهم سناتر ودروس خصوصيه

ههههه

ربنا يكرمك ان شاء الله

من طرف **Eng_metwaly** 2007-09-03, 5:42 pm

*&^%$# ..............*&^%&^*#$%

والله أنصح أى حد إن يحافظ على وقته وما يضيعوش فى أى حاجة عشان أنا بندم على كل ثانية ضيعتها سواء فى الإعدادى أو الثانوى أو حتى الكلية

بجد عشان اللى عايز يتفوق لازماً يرفع شعار

((الوقت هو الحياة))

من طرف NOR_ELGENAN 2007-09-03, 5:59 pm

ما شاء الله عليك

والله بجد كلمه جميله منك

((الوقت هو الحياة))

من طرف engmohamed 2007-09-03, 8:19 pm

الهم حافظ على اوقات شباب المسلمين

من طرف NOR_ELGENAN 2007-09-03, 10:11 pm

اللهم امين

من طرف engmohamed 2007-09-04, 5:44 pm

انا كنت وعدتكم على يوم حلو فى الكلية
اليوم الحلو يبدا عندما يكون الواحد مصلى الفجر ولا ينام بعد الفجر وعندما يكون عامل كل الواجب وراسم كل اللوح وحالل الشيتات ويكون مذاكر الكويزات الاعليه وبيبقى الواحد مبسوط جدا وفرحان جدا بيقى فرحان انى رايح الكلية وهاين على اروح للعميدة مخصوص واخليها تعلملى بنفسها والمحضارات الجديده الوحد يفهمها بسرعة لاننى اكون مستريح نفسيا ولذالك انصح كل اخوانى انهم يحضروا اول باول ويحلوا الواجب ويقدموا الابحاث المطلوبة منهم
وجزاكم الله خيرا

من طرف NOR_ELGENAN 2007-09-04, 8:17 pm

ما شاء الله عليك يا بشمهندس ربنا يكرمك

فعلا نصائح جميله بجد

من طرف engmohamed 2007-09-06, 11:26 am

انا كنت وعدتكم بيوم حلو فى المدينة الجامعية الى هى فى العباسية
اليوم بيبداء من اليوم الذى يكون قبل يوم الاجازة وانا ببقى فرحان جدا فى اليوم داه والعب كورة فى المدينة واخرج بليل وادخل المدينة متأخر ويكون يوم جميل وانا باستريح من الاجهادات طول الاسبوع وان انا لا انزل الكلية وممكن الواحد يذاكر شوية صغيرين لكن لو فى امتحانات الواحد بيقضى هذا اليوم فى المذاكرة وادع اخوانى انه يستغل يوم الاجازة كويس ولايضيع ولا ثانية فيه
معلش صدعتكم
وجزاكم الله خيرا

من طرف **Eng_metwaly** 2007-09-06, 7:09 pm

مش بقول إن كليتى هى كلية العجائب

أمس كان فى مؤتمر لعرض البرامج الجدديدة بالنسبة للطلبة الجدد

وطبعا النظام ده مش ببلاش .........لالالالا السنة فى النظام ده بتعمل 14 ألف جنيه كحد أدنى

يا بلاش ....... والدكاتره كانوا عمالين يشرحوا النظام عامل أزاى

والطلبة وال parents بتوعهم كانزا بيستفسروا عن الموضوع كان عامل إزاى

بس الجميل فى الموضوع إن كنت فعلاً شايف أمهات بتخطط لأولادهم من دلوقتى وكان فى أم بتسأل الدكتور هو ينقع ابنى يخلص فى عدد سنين أقل فالدكتور قالها أقل عدد لازماً أربع سنين ونص وكمان كان فى ناس تقوم تسأل السؤال بالإنجليزى والدكتور يجاوب بالإنجليزى وأنا وكأنى بأسمع انجليزى لأول مرة فى حياتى

اللذيذ فى الموضوع ال break كان بيقدموا فيه حاجه ساقعة وشاى وحلويات وكل ده ببلاش

طيب كل ده عشان بكتيره قوى 100 طالب طيب بقية دفعة إعدادى 2600 أو أكتر الكلية عملتلهم إيه؟

من طرف engmohamed 2007-09-06, 8:15 pm

الحمد لله ان باقى 2600طالب دخلوا بمجموعهم وليس بفلوسهم

من طرف NOR_ELGENAN 2007-09-08, 5:56 pm

لا حول ولا قوه الا بالله معلش

وبعدين انا مليش اوى فى كليه الهندسه لكن

محدش بيتظلم ولو حد اتظلم ربنا عمره ما بينسى المظلوم وبياخد حقه

جزيتم خيرا

وربنا يهدى

من طرف NOR_ELGENAN 2007-09-09, 1:37 pm

هننزل الجامعه تانى خلو بالكو بقى

البنات تخلى بالها الطلبه الجدد بيبقوا ميعرفوش ابوهم وداخلين حديقه الاسماك بتاعتهم "الجامعه يعنى"

وعاوزين اى بنت والسلام خلو بالكو

اما الاولاد يتقوا الله فى البنات المسلمات وربنا يستر على السنه الجديده وتبقى سنه كويسه وتعدى على خير

يوميات جامعيه (القاهره - حلوان - عين شمس ...............)كلو

يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو

رد: يوميات جامعيه (القاهره - حلوان - عين شمس ...............)كلو