رد: يوميات جامعيه (القاهره - حلوان - عين شمس ...............)كلو

من طرف **Eng_metwaly** 2007-09-10, 1:43 am

فعلاً عندك حق

وكمان فى أسر يتقوم بالواجب ده وبتوفر خطوات كتيرة على الولاد والبنات ويتعرفوا على بعض فى ظل غطاء الأسرة

وطبعا ده لا يرضى الله عزوجل ودايماً نفتكر كلمة (وأخرتها إيه) وفى الآخر أيه اللى حيحصل

من طرف NOR_ELGENAN 2007-09-15, 12:41 am

انا نازله الجامعه بكره وربنا يستر هحكيلكم على نشاطات الاسر عندنا عامله ازاى

احنا عندنا كوسه والكليه كوستين تلاته وربنا يثبتنى على الحق

اعزكم الله

من طرف **Eng_metwaly** 2007-09-16, 1:33 am

أحلى حاجة إن أنا أعطيت لنفسى أجازة الأسبوع ده من الجامعة

وإن شاء الله موعدنا الأسبوع القادم وأرجو من الله أن ينفعنا بهذه الأوقات

وتكون حجة لنا لا علينا يوم القيامة وأن يغفر الذلل والتقصير

من طرف NOR_ELGENAN 2007-09-18, 1:03 am

السلام عليكم ورحمه الله بركاته

والله ربنا يعزك يا بشمهندس على المتابعه وننتظر مواقف جامعيه شيقه نقلا

عن كليه الهندسه جامعه عين شمس

انا كمان اعطيت لنفسى اجازه بعد اللى شفته لحد اخر الاسبوع

ربنا يعزكم واكرمكم الله

وزادكم ايمانا

من طرف **hypertension** 2007-09-18, 1:07 am

قبل الدراسة

-جدد نية

-نظم وقتك

-رتب أولوياتك

-اعرف هدفك

-خطط ليه

-يبقى أكيد فى الآخر هتلاقيه

من طرف NOR_ELGENAN 2007-09-21, 5:19 am

ما شاء الله جميل

عاوزين اكتر

ها مين عنده حاجات كويسه نعملها السنه دى

من طرف **Eng_metwaly** 2007-09-26, 7:36 pm

هيهههههههههههههههههه

أنا رحت آسف زرت الكلية الأسبوع ده والحمد لله اطمنت عليها والمدرجات مكانها والملاعب مكانها وكل حاجة زى ما هى

إلا أن الجداول متلخبطة آخر لخبطة وما تعرفش انت مفروض تقعد فين

وبسسسسسسسسسسسسسس

من طرف shmas_elasel 2007-09-26, 9:01 pm

اهلابيكى نور الجنان انا سعيده انى هتحدث معاكى فى موضوعاتك وعلى فكره انا اول مره اشترك فى المنتدى ومعلومه انا خالى ENG_metwaly,واخوه ENGmohamedانا معاكم بس فى جامعه المنوفيه هى كلها زى كل الكليات طبعا كنا طالعين من الثانويه على الكليه لسه مش عارفين النظام او المثل ده ينطبق على ,علشان انا التنسيق كان جاى لى على كليه التربيه ورحت اول يوم طبعا للاسف محدش كان يهتم زمش كل الدكاتره كانت بتدخل
المهم بعد مافات 4اسابيع لاقيت الوالد بيقول ايه رايك احول لك تجاره
انا ذهلت قلت لهخ بابا انت متاكد ,المهم قلت له والله يابابا لولقيت انى همشى فيها حول لى المهم حصل المراد
وللحديث بقيه

من طرف NOR_ELGENAN 2007-09-29, 2:50 am

حبيبتى اهلا وسهلا بيكى فى المنتدى الجميل دا

نورتىىىىىىىىىىىى المنتدى

كمان انا سعيده بوجودك معانا

كمان انا اشتقت انى اعرف انتى حولتى ولا لا

وعملتى ايه فى الكليه

ربنا ييسر باذن الله

من طرف NOR_ELGENAN 2007-09-30, 4:50 am

بصوا بقى اعتقد انو الموضوع دا فضفضه جامعيه

اولا السلام عليكم

انا تعبت اوى من الكليه والدكاتره دراستنا جميله

لكن كمان مينفعش نخلص كل دا فى ترم

الدكاتره هتجننا فاكرنا بنعمل دراسات

انا لسه طاااااااااااااااااااااااااااالبه

ادعولى وادعوا ربنا يهدى الدكاتره ويخفو عنا

نفسى اذاكر بحب واكون كويسه ربنا يهديهم اللهم امين

من طرف shmas_elasel 2007-10-01, 12:12 am

السلام عليكم
وحشتينى نور
اكمل لك ياستى حولت والحمد لله رحت طبعا ومش عارفه حاجه فى اى حاجه او اى حته
طبعا كانو جريوا فى المنهج مش فى التربيه دول مش بيهزروا دول واخدنها جد ىخالص طبعا بعديها بكام اسبوع امتحانات mid term
خالى كان قالى على الامتحانات دى بس انا نسيت وخد احلى مقلب
طبعا على مالميت المحاضرات والسكاشن وبدات اذاكر الى حد ما الوقت كان فات , الحمد لله
عدت اولى وعدت تانيه
الاولى مقبول وتانيه جيد
وتالته ربنا يكرمنا بقى وعلى فكره انا بقيت فى نشاطات كتيره فى الكليه منها الاتحاد (امينه لجنه الحواله )وقائده المرشدات للكليه وامينه لجنه فى اسره فى الكليه ,وطبعا حفلات وخلافه فى التقديم وحفلات التخرج
طبعاو الحمد لله بقيت ادخل الشئون معروف اسمى فى الرعايه
حتى العميد الجديد السنه دى بيقول لى انا اعرفكممن النشاطات لدجرجه انى هدخل اسره معاه طبعا فى الاول والاخر الحكد لله والخيره فيما اختاره الله معلش طولت عليكم
وللحديث بقيه
[/b]

من طرف NOR_ELGENAN 2007-10-02, 7:09 am

ممممممممممممممم

ما شاء اله عليكى حبيبتى

بس جواله يعنى مش تمام اوى

نشاطات اعتقد والله اعلم فاشله

عندنا فى الكليه الجواله دى بتاعه الرقاصين بتاعه الطبل والزمر بمعنى اصح

لكن بتفرق اكيد والاولى انك تحاولى ان تكونى على الطريق السليم

لاتنظرى الى اشياء زائله من رائده فى لجنه جواله

او اسره

كل هذه اشياء زائله ولا يبقى لكى سوى عملك حبيبتى

اعزك الله واسكنكى جنات النعيم

حاولى تبعتيلى الميل بتاعك نتحدث اكثر مع بعض اون لين ان شاء الله

مشكووووووووووووووووووره على الدردشه الجميله دى

من طرف NOR_ELGENAN 2008-01-30, 9:11 am

السلام عليكم ورحمه الله
فينكم يا جماعه وفين يومياتكم فى الكليات والله التمس اليكم الاعذار لانى انا كمان مش ببقى شايقه ادامى
ولكن احنا فى الاجازه عاوزه ملخص ما حدث فى الترم الاول من الداسه ومعظم الاعضاء هنا فى كليات مستنياكو

من طرف **Eng_metwaly** 2008-03-22, 4:40 pm

طيب هو فى حاجات حصلت كتير فى الجامعة والكلية السنة دى

إن شاء الله نتحدث عنها بس أنا حبيت أجدد الموضوع من تانى ومسنى الردود عشان أحكيلكم

من طرف **Eng_metwaly** 2008-03-31, 4:18 pm

طيب واضح إن مفيش حد عبرنى ورد على

بس أنا حأشتغل لوحدى

أنا كان عندى امتحان mid- term يوم السبت وبعدين فى آخر ربع ساعة الكهربا اتقطعت احنا كنا الساعة 10.5 صباحاً يس كنا فى سكاشن ما يوصلهاش ضوء الشمس عشان هى تحت الأرض (-1)

وبعدين المعيد قال الصبر يا جماعة أول ما يجى النور حنزود لكم ربع ساعة

ظل الوضع على ما هو عليه لمدة 1/3 ساعة وبعدين كانت المفاجأة إنهم (المعيدين) قالوا حيلموا الورق كمان 5 دقايق

شفتوا الندالة .......كانت صاعقة بالنسبة لى

طيب وبعدين سلمت واستعوضت ربنا وسلمت الورقة

مستنى ردودكم